Android Development

МонголДуу.ком

2011-03-28T20:28:00.000+08:00

Андроид маркет-д миний хөгжүүлсэн бас нэг шинэ програм байрлалаа.

Бас нэг програм

2010-10-16T10:51:00.001+08:00

Battery Alarm нэртэй програмыг Market-д байрлууллаа. Энд дарж статистикийг харна уу.

Энэ програмыг би хийгээгүй юм. Манай ажлын Эрдэнэтулга гэдэг залуу хийсэн. Эрдэнэтулгадаа хүмүүсийн талархлыг хүлээсэн application хийсэнд баяр хүргэе

Танд хэрэг болж магадгүй Widget

2010-07-14T19:09:00.000+08:00

Юнителийн хэрэглэгч нарт зориулан нэг Widget хийлээ.
Гадагшаа дуудлага хийсний дараа одоогоор хэдэн төгрөгний төлбөр гарсан байгааг харуулна.
Тун удахгүй Android Market-д байрлуулна аа.

Gmail-ээс файл аттач хийх

2010-04-07T11:48:00.000+08:00

Android утасны Gmail-ийг ашиглаад файл аттач хийхэд зөвхөн камераар авсан зурагаа аттач хийж болдог байхаар нь дурын файл аттач хийж болохоор шинэ програм хийсэн юм.

Анхны хувилбар нь бие даасан програм байсныг нь болиулан Gmail-ийн Attach мэнюг ашиглаж болохоор болголоо. Энэ програмын тухай эндээс дарж үзнэ үү.

Android market-аас File sender гээд хайгаад утсандаа суулгаж болно шүү. Нэмж хэлэхэд үнэгүй.

Bluetooth-ийн API

2010-01-15T18:19:00.000+08:00

Андроид дээр bluetooth-тэй ажилладаг програм хийх шаардлага гараад хэсэг судалгаа хийлээ. Албан ёсны сайт дээрх нь хэтэрхий олон confirmation dialog-той хэрэглэхэд төвөгтэй байхаар нь өөр шийдэл хайсан чинь UnOfficial API олдлоо.

Дээрх API-г ашигласан тохиолдолд bluetooth-ээр бусад терминал руу өгөгдөл илгээж чадах боловч бусдаас ирсэн өгөгдлийг хүлээн авч чадахгүй байсан тул жаахан засвар хийн өгөгдөл хүлээн авч чадахаар болгосон юм.

Хэрвээ таньд миний хийсэн засвар хэрэгтэй бол коммент үлдээгээрэй.

www.medee.mn

2010-01-14T15:28:00.001+08:00

Ихэнх мэдээний портал сайтуудын мэдээнүүд давхцал ихтэй байдаг. Харин Medee.MN-ийх давхцал багатай санагдлаа.
Тэгээд энэ сайтын сүүлийн үеийн шинэ мэдээ уншигчийг хийгээд Android Market-д үнэгүйгээр байрлууллаа.
Хэн нэгэнд нь хэрэг болбол ашиглаад үзээрэй.

GoGo News

2010-01-08T10:20:00.001+08:00

Android Маркет-д бас нэг програм байрлуулав.GoGo-ийн мэдээг уншигчийг татаж аваад хэрэглээд үзээрэй

GoGo TV Guide

2010-01-07T15:11:00.000+08:00

Хүмүүс өдөр болгон телевиз үздэг байх, би өөрөө телевиз их үзнэ л дээ. Тэгээд өөртөө зориулан Android утсанд ажиллах хялбар програм хийлээ. Програмын нэр нь "GoGo TV Guide".

GoGo-ийн телевизийн хөтөлбөрийг би өдөр болгон ашигладаг бөгөөд гар утаснаас ашиглахад хялбар болгон програм хийгээд Android Market-д байрлууллаа. Хэрвээ та Android утастай бол татаж аваад хэрэглээрэй. Програмын танилцуулгыг энд дараад харж болно.

Програмын давуу тал гэвэл offline горимд ажиллаж чадна. Та Даваа гаригт программаа ажиллуулан телевизийн хөтөлбөрөө шинэчлэн авахад л тухайн долоо хоногийн бүх телевизийн хөтөлбөрийг ашиглах боломжтой болно.

Android-д тохирох монгол гарын програм

2009-12-14T21:40:00.002+08:00

Саяхан би Android утастай боллоо. Тэгээд Market-аас Монгол гарын програм хайтал Өлзийсайханы хийсэн олдлоо. Гар утсандаа суулгаад ашиглатал үсэгнүүд нь хэтэрхий нарийхан дарахад жаахан төвөгтэй санагдлаа. Манай цагаан толгойн үсгийн тоо олон болохоор яах ч аргагүй юм байна гэж бодогдов.

Тэгэхээр нь цагаан толгойн дараалалаар байрлах үсгүүдийг гурав гурваар нь нэг товч дээр байхаар бодож Mongolian Alphabetic Keyboard-ийг хийгээд Market-д байрлуулсан юм.

Market-д байгаа хувилбар нь бичсэн үсгээс хамааран үг санал болгодоггүй бөгөөд энэ удаагийн хувилбар үг санал болгодог болсон байгаа. Үгсийн сангийн хувьд Я.Цэвэлийн толийн үгсийн санг ашигласан бөгөөд "Толь.Query.mn"-ээс зөвшөөрлийг нь авсан тул миний ажил саад багатай байлаа. USI МЭРГЭЖЛИЙН СУРГУУЛЬ-ийн 2-р курсийн Энхтөр, Амартүвшин нарын дэмжлэг байгаагүй бол энэ програм дуусталаа бас удах байсан байх даа. Та нартаа баярлалаа.

Цаашид Android-ийн судалгааны талаар мэдсэн зүйлүүд байвал бичнэ ээ.